Azərbaycanda əmələ gələn peyinin yarıdan çoxu 4 rayonda yaranıb – Siyahı
Ötən il Azərbaycanda 83 min 171,8 ton peyin əmələ gəlib.
Yeniavaz.com açıqlanan rəsmi məlumatlara istinadən bildirir ki, peyinin 35 min 884,4 tonu zibilliyə atılıb.
Qeyd edək ki, zibilliyə atılmayan peyinin 11 min tonu yeni məhsul alınmasında, 21 min 500 tonu inqrediyet (qatışıq kimi), 16 min 713,3 tonu isə digər məqəsdlər üçün istifadə olunub.
Bunlardan başqa, il ərzində 366 ton peyin də satılıb.
Onu da bildirək ki, əmələ gələn peyinin 4,2% və ya 3 min 497 tonu paytaxt Bakının payına düşüb.
Paytaxtdakı peyinin isə 99,7%-i və ya 3 min 488 tonu Suraxanı rayonunda əmələ gəlib.
Ümumilikdə, ölkə üzrə əmələ gələn peynin 98,4%-i və ya 81 min 820,3 tonu aşağıdakı şəhər və rayonların payına düşüb:
- İsmayıllı r. – 21 500 ton;
- Siyəzən r. – 17 969 ton;
- Ağdaş r.– 12 207,6 ton;
- Qəbələ r. – 11 400 ton;
- Xızı r. – 8 040 ton;
- Bakı ş. – 3 497 ton;
- Abşeron r. – 2 610 ton;
- Şabran r. – 1 521,7 ton;
- Neftçala r. – 1 890 ton;
- Samux r. – 1 185 ton.
Açıqlanan məlumatlardan da göründüyü kimi, ötən il ölkədə əmələ gələn peyinin yarıdan çoxu – 63 min 76,6 tonu 4 rayonda (İsmayıllı, Siyəzən, Ağdaş və Qəbələ) yaranıb.
