Tarixi şans: Bundesliqa klubları Mahiri istəyir
Azərbaycan milli komandasının üzvü Mahir Emreli yeni mövsümdən Almaniyanın əsas Bundesliqasında çıxış edə bilər.
Aut.az xəbər verir ki, hazırda “Nrünberq”in heyətində ikinci Bundesliqada çıxış edən 27 yaşlı forvard iki klubun maraq dairəsinə düşüb. Bu barədə “Blid” nəşri məlumat yayıb.
Futbolçu özü də uyğunlaşmağa başladığı Almaniyada qalmaq istəyir. Buna görə də elita klublarından gələn təklifləri dəyərləndirməyə hazırdır.
Hazırkı klubu da onunla yeni müqavilə imzalamaq istəyir. Lakin nəşr bu ehtimalın çox az olduğunu qeyd edib.
Qeyd edək ki, Mahir Emreli son həftələrdə əla forma yığıb. O, meydana çıxdığı son 3 matçda 4 qol vurub. Mahir bu mövsüm “Nrünberq” forması ilə meydana çıxdığı bütün turnirlərdə 22 oyun keçirib, 7 qol vurub və 1 assist edib.
