“Traktor” ilk dəfə İran çempionu oldu
Təbrizin “Traktor” klubu futbol üzrə İran çempionatının qalibi olub.
Klub Qəzvinin “Şəms Azər” komandasını 4:0 hesabı ilə məğlub edib.
Oyunda Domaqoy Drojdek (1-ci və 30-cu dəqiqələr), Əmirhüseyn Hüseynzadə (8-ci dəqiqə) və Rikardo Alveş (11-ci dəqiqə, penalti) fərqləniblər.
Bununla da, ilk dəfə İran çempionatının qalibi olan “Traktor” xallarını 64-ə çatdıraraq sona 2 tur qalmış çempionluğunu rəsmiləşdirib.
