“Tramp hesab edir ki, Putin atəşkəslə bağlı danışıqlarda vaxt uzadır”
“ABŞ Prezidenti Donald Tramp hesab edir ki, Rusiya hakimiyyəti Ukraynada atəşkəslə bağlı danışıqlarda vaxt uzadır”.
Yeniavaz.com xəbər verir ki, bu barədə “Fox News”un jurnalisti Ceki Haynrix müzakirələrlə tanış olan mənbəyə istinadən məlumat verib.
Həmsöhbətinin sözlərinə görə, Tramp Rusiya Prezidenti Vladimir Putindən məyus olub.
Jurnalist iddia edir ki, Ağ Ev məhdudiyyətləri aşaraq neft nəql edən Rusiyanın “kölgə donanmasına” zərbə vuracaq sanksiyalardan aqressiv şəkildə istifadə etmək variantını nəzərdən keçirir:
“Mənə dedilər ki, sanksiyaların tətbiqi hazırda zəifdir və qeyri-rəsmi olaraq 10 baldan 3-ə yaxın qiymətləndirilib. Rusiyanın Baltik dənizi vasitəsilə qeyri-qanuni neft daşıyan “kölgə donanmasının” fəaliyyətinin qarşısını almaq asan təzyiq hədəfinə çevrilə bilər”.
Xatırladaq ki, Ağ Evin mətbuat katibi Kerolayn Livitt aprelin 1-də keçirdiyi brifinqdə jurnalistlərə deyib ki, Tramp həm Putindən, həm də Ukrayna Prezidenti Volodimir Zelenskidən məyus olub.
