“Yunayted” ona qiymət kəsdi: “Atletiko” gözaltı edib
“Mançester Yunayted” 25 yaşlı cinah oyunçusu Antoninin icarə əsasında oynadığı “Real Betis”dəki uğurlu çıxışından sonra onu 40 milyon funta (47,6 milyon avro) satmaq istəyir.
Aut.az xəbər verir ki, bu barədə “inews” məlumat yayıb.
Mənbənin məlumatına görə, braziliyalı futbolçu ilə Madrid “Atletiko”su, eləcə də İtaliya çempionatının bir neçə klubu maraqlanır. “Betis” Antoninin icarə müddətini uzatmaq istəyir, lakin ispan klubu başa düşür ki, “qırmızı şeytanlar”ın şərtlərini yerinə yetirmək onlar üçün çətin olacaq.
Antoni ötən ilin yanvarında icarə əsasında “Betis”ə keçib. Bu müddət ərzində o, bütün turnirlərdə 12 matçda iştirak edib, 4qol vurub və 4məhsuldar ötürmə edib. Futbolçunun ingilis klubu ilə əmək müqaviləsi 2027-ci ilin yayına qədərdir. “Transfermarkt” portalında verilən məlumata görə, futbolçunun bazar dəyəri 20 milyon avrodur.
