Türkiyədə prokurorluq boykot çağırışları ilə bağlı istintaqa başladı
İstanbul Respublika Baş Prokurorluğu tərəfindən sosial şəbəkələrdə boykot çağırışı edən və yayan şəxslərlə bağlı istintaq başladılıb.
Yeniavaz.com Anadolu Agentliyinə istinadla xəbər verir ki, bu barədə İstanbul Respublika Baş Prokurorluğu açıqlama yayıb.
Prokurorluqdan verilən açıqlamada, ənənəvi və sosial mediada iqtisadi boykot çağırışları kimi tanınan separatçı diskurslara və bu diskursları yayan şəxslərə qarşı istintaq başladıldığı bildirilib.
Açıqlamada istintaqın “nifrət və ayrı-seçkilik” və “ictimaiyyəti nifrət və düşmənçiliyə sövq etmək” ittihamları ilə başladıldığı qeyd edilib.
Digər tərəfdən, edilən çağırışlardan sonra bəzi iş yerlərində fiziki və şifahi zorakılıq hallarına dair araşdırmaların da bu istintaqla birləşdirildiyi qeyd edilib.
Qeyd edək ki, İstanbul Böyükşəhər Bələdiyyəsinin sədri Əkrəm İmamoğlunun həbsindən sonra CHP sədri Özgür Özəl “boykot” çağırışlarına başlayıb.
