Mourinyu derbidə böyük qalmaqala səbəb oldu
Türkiyə Kubokunun “Fənərbağça” - “Qalatasaray” matçından sonra qalmaqal yaşanıb.
"Sarı bülbüllər"in baş məşqçisi Joze Mourinyu rəqib komandanın çalışdırıcısı Okan Burukun burnunu sıxıb.
Olay hakimin final fitindən sonra Buruk meydanın mərkəzinə doğru hərəkət edərkən qeydə alınıb. Özünü həmkarına çatdıran portuqaliyalı onun burnunu sıxıb. Okan isə həmkarının bu hərəkətinə özünü yerə atmaqla reaksiya verib.
Xatırladaq ki, “Qalatasaray” əzəli rəqibini səfərdə 2:1 hesabı ilə yenərək yarımfinala yüksəlib.
