Holand "Mançester Siti"dən ayrılır - Agenti ona yeni klub tapıb
“Mançester Siti”nin hücumçusu Erlinq Holandın maraqlarını təmsil edən Rafaela Pimenta ulduz futbolçunu başqa top-klubda görmək istəyir.
Fanat.az xəbər verir ki, norveçlinin müqaviləsində 2025-ci ildə qüvvəyə minəcək sərbəstqalma bəndinin olması onun "əl-qolunu açır".
İnformasiyanı "Defensacentral" yayıb. Mənbənin məlumatına görə, "Real Madrid" vəziyyəti izləyir və "şəhərlilər"in forvardını almaq imkanını götür-qoy edir. Rafael Pimenta futbolçunun məhz “kral klubu”na transferini həyata keçirmək istəyir.
Erlinq Holandın "Mançester Siti" ilə müqaviləsinin müddəti 2027-ci ilin ortalarına qədərdir. "Transfermarkt" Premyer Liqanın qolçusunun transfer dəyərini 200 milyon avro qiymətləndirir.
