İsrail adlı iş adamı Bakını Qəzza zolağına çevirib: Arxasında kim durur?
Əcəmi metrostansiyası yaxınlığındakı “Şəki” kafesinin yerində tikilən obyektlə bağlı qalmaqal uzun müddətdir ki, ölkə mediasının gündəmini zəbt edib. Prezidentin “mənim ən yaxın köməkçilərim” adlandırdığı jurnalistlər bu məsələ ilə bağlı kifayət qədər geniş araşdırmalar aparır və obyektin ekologiya, tikinti, şəhər infrastrukturu qaydalarını pozmaqla yanaşı, metro keçidi üzərində yerləşməsi ilə vətəndaşların həyatına təhlükə mənbəyi olduğunu üzə çıxarıb. Bəs bu boyda qanunsuzluğu törədib cəzasız qalan şəxs kimdir?
Bununla bağlı “Xəbərçi” araşdırma qrupu olaraq ərazi üzrə Nəsimi Rayon İcra Hakimiyyətindəki mənbələrimizdən məlumat almağa çalışdıq. İcra Hakimiyyətindəki mənbəmiz obyektlə bağlı Bakı Şəhər İcra Hakimiyyətindən Riyad Qasımovun xüsusi tapşırığı olduğunu bildirib. Onun sözlərinə görə, işə həm də Dövlət Şəhərsalma və Arxitextura Komitəsinin nəzdində fəaliyyət göstərən Ərazi Tikinti Planlaşdırma Mərkəzinin məsul işçisi “Şamalı Cavid” özü şəxsən nəzarət edir: “Bizə obyektin İsrail Vəliyev adlı şəxsə məxsus olduğunu deyilib. Onun üzünü belə görməsək də həm rayon rəhbərliyinə, həm də adıçəkilən qurumlara lazımınca “hörmət” edildiyi şübhəsizdir”.
“Xəbərçi” Araşdırma Qrupu olaraq çəkilən adla bağlı da özəl mənbələrimizdən xüsusi araşdırma apardıq. Əldə etdiyimiz məlumatlar şok yaradır. Belə ki, Sumqayıtdan tutmuş Badamdara qəıdər, Suraxanıdan Novxanıyadək bir çox qalmaqallı tikintilərin arxasında məhz bu şəxsin durduğu məlum olur. Bu şəxsin bütün dövlət qurumlarına rahat yol tapdığı və arxasında yüksək çinli dövlət adamının durduğu deyilir. Bu qaranlıq şəxsin əslində kim olduğu və nə ilə məşğul olması ilə bağlı araşdırmamızı davam etdirəcəyik.
