“ORBİTA MTK“ tikinti şirkətindən narazılıq - VİDEO
Bakıda daha bir tikinti şirkəti və sakinlər arasında narazlıq nizami rayonunda yaşanır.
Xezerxeber.az-ın xəbərinə görə, paytaxt sakini Nicat Şəmiyev iddia edir ki, 36 ildir yaşadıqları Nizami rayonu Məmməd Səid Ordubadi küçəsi 7 ünvanındakı yaşadıqları fərdi ev plana düşür. Ev 8 otaqdı və kvadratmetr sahəsi də böyükdür. Bir müddətdir ki, ərazidə çoxmərtəbəLi bina inşa etmək istəyən ``ORBİTA MTK`` tikinti şirkəti bəzi sakinlərlə razılığa gəlsələr də, Şəmiyevlər ailəsi və digər 4 ailə ilə razılığa gələ bilmirlər.
Nicat Şəmiyev deyir ki, ata anası və 3 qardaşı ümumilikdə 12 nəfər həmin evdə yaşayırlar. Şirkət isə onları kirayə mənzilə çıxarmağa və yerində tikəcəkləri binadan isə 4 otaqlı ev verəcəklərinə razılaşıblar. Bu səbəbdən də onlar evlərinin sökülməsini istəmirlər və ``ORBİTA`` MTK-nın qərarı ilə razılaşmırlar.
``ORBİTA`` MTK-nın köçürmə məsələləri üzrə baş məsləhətçisi Söhrab Əhmədov deyir ki, onlar evlərin kvadratmetr sahəsini obyektiv hesablayıblar və narazı olan 4 ailəyə görə, bir il yarımdır ki, tikinti gecikir.
Qeyd edək ki, tərəflər razılığa gəlmədikləri üçün məhkəməyə də müraciət ediblər. Bir il yarımdır ki, məhkəmə çəkişməsi gedir. Son qərar da məhəkəmə tərəfindən veriləcək.
