"O, dünyanın ən yaxşı dayaq yarımmüdafiəçisidir" - Xosep Qvardiola
"Mançester Siti"nin baş məşqçisi Xosep Qvardiola dünyanın ən yaxşı dayaq yarımmüdafiəçisinin adını açıqlayıb.
Fanat.az xəbər verir ki, "Goal" onun sözlərini belə çatdırıb:
"Bu, Rodridir. O, hazırda dünyanın ən yaxşı dayaq yarımmüdafiəçisidir. Rodri "Qızıl" topun potensial sahibidir. Bu mükafatı qazanmasını çox istəyirəm".
Xatırladaq ki, Rodri "Atletiko Madrid"in yetirməsidir. Orta xətt oyunçusu 2019-cu ildən "Mançester Siti"nin uğurları üçün çalışır. Sözügedən futbolçu ötən mövsüm "şəhərlilər"lə İngiltərə Premyer Liqasının, Klublararası Dünya Çempionatının və Avropa Superkubokunun, yayda isə İspaniya millisi ilə Avropa çempionatının qalibi olub.
