İmamoğlu CHP-nin prezidentliyə namizədi oldu
Cümhuriyyət Xalq Partiyası (CHP) partiyanın prezidentliyə namizədinin hazırda həbsdə olan Əkrəm İmamoğlu olduğunu açıqlayıb.
Yeniavaz.com xəbər verir ki, bu barədə partiya rəsmi bəyanat yayıb.
Bildirilib ki, martın 23-də Əkrəm İmamoğluna dəstək, həmrəylik və namizədin müəyyənləşdirilməsi üçün baş tutan partiyadaxili seçkidə ümumilikdə 14 milyon 850 mindən çox insan iştirak edib.
Qeyd olunub ki, onların 1 milyon 653 min nəfəri partiyanın üzvü olub.
Türkiyədə növbəti prezident seçkiləri 2028-ci ildə keçiriləcək. Bununla belə, müxalifət növbədənkənar seçkilərin keçirilməsini istəyir.
Xatırladaq ki, martın 18-də İstanbul Böyükşəhər Bələdiyyəsinin sədri Əkrəm İmamoğlunun diplomu ləğv olunub. Bir gün sonra isə o saxlanılıb. Ötən gün – martın 23-də məhkəmə korrupsiya ittihamını əsas gətirərək İmamoğlu barəsində həbs qətimkan tədbiri seçib. Daha sonra o, İstanbulun bələdiyyə sədrliyindən uzaqlaşdırılıb.
Qeyd edək ki, martın 19-dan etibarən Türkiyənin əksər vilayətlərində, xüsusilə İstanbulda gemişmiqyaslı etiraz aksiyaları keçirilir.
