İlqar Məmmədovdan ilginc təşəbbüs: Cərimələr büdcəyə yox,..
REAL Partiyasının sabiq sədri İlqar Məmmədov ilginc bir təşəbbüslə çıxış edib.
Aztoday.org xəbər verir ki, İlqar Məmmədov vətəndaşın hər hansı pozuntuya görə odədiyi cərimənin mərkəzi büdcəyə yox, həmin vətəndaşın yaşadığı bələdiyyənin hesabına getməsini təklif edib:
Pozuntunun törədilməsi yerindən asılı olmayaraq, cərimə yerli idarəetmə orqanına getsin. Məsələn, Kürdəmir sakini Bakıda yol hərəkəti qaydasını pozubsa, onun ödədiyi cərimə Kürdəmir bələdiyyəsinin büdcəsinə getsin. Digər misal, vətəndaş Şamaxıda qeydiyyatdadırsa, itirdiyi pasporta görə cərimə Şamaxı bələdiyyəsinin büdcəsinə çatsın.
Fikrimin arxasında duran siyasi iqtisad baxışı odur ki, mərkəzi hökumət özünü pozuntulara möhtac hiss etməməlidir. O, özünün gəlir siyasətini qurarkən hər kəsin qanun və qaydalara riayət edəcəyini əsas tutmalı, pozuntudan irəli gələn gəlirlər isə bələdiyyələrin təsadüfi qəniməti olsa yaxşıdır.
Son zamanar YAP hökuməti cərimələri dövlət gəlirlərinin mühüm hissəsinə çevirməyə başlayıb. Bu, həm iqtisadi baxımdan sağlam yanaşma deyil, həm də cərimə toplayan dövlət aparatı vətəndaşın yaşam ortamını əsassız olaraq sərtləşdirməyə şirnikləndirir. Nəticədə, dövlətin basqıçı qolu iqtisadiyyata zərər vuracaq qədər güclənir.
Əlbəttə, təşəbbüsün detallaşdırlmasına ehtiyac var...
