Deputat: "Göyərçinləri yemləyənlər cərimələnsin"
Milli Məclisin plenar iclasında deputat Sabib Alıyev küçədə göyərçinləri yemləyənləri cərimələməyi təklif edib.
O bunu quşların infeksiya daşıması ilə əlaqələndirib.
Deputat həmkarı Qüdrət Həsənquliyev isə buna etiraz edib: "Mən və ailə üzvlərim həyətdə 15 pişiyə yemək veririk və onların bir çoxunu peyvənd etdiririk. Onda o quşlar acından ölsün? Heyvanların yemlənməsini qadağan etsək, onda cəmiyyətdə mərhəmət hissini aradan qaldırmış olarıq".
Milli Məclisin sədri Sahibə Qafarova isə qeyd edib ki, quşlar infeksiya daşıyıcısı ola bilər: "Sahib müəllim deyəndə də həqiqət var"(lent.az).
