"Real Madrid" ikinci dəfə xaçvari diz bağları qopan Militao ilə bağlı son qərarını verdi
"Real Madrid" rəhbərliyi xaçvari diz bağları qopduğu üçün uzun müddətə sıradan çıxan mərkəz müdafiəçisi Eder Militao ilə bağlı qərarını verib.
Fanat.az-ın məlumatına görə, informasiyanı "Marca" yayıb.
Mənbə mövcud vəziyyətə rəğmən, "Kral klubu"nun yeni mərkəz müdafiəçisi axtarmadığını açıqlayıb. İspaniya nəhənginin idarəçilərinin noyabrın əvvəlində sıradan çıxan Militaoya güvəndikləri və onun sıraya dönməsini gözləyəcəkləri vurğulanıb.
Xatırladaq ki, braziliyalı futbolçu karyerası ərzində ikinci dəfə eyni zədə ilə üzləşib. Onun 2023-cü ilin avqustunda da xaçvari diz bağları qopmuşdu.
