Parkın ərazisində tikilən obyektə çıxarış verilir? - Binəqədidə qanunsuzluq (FOTO)
Binəqədi rayonunda parkın ərazisi qanunsuz olaraq sahibkara obyekt tikmək üçün verilib.
AzToday.az xəbər verir ki, bu barədə dosye.orq saytı məlumat yayıb.
Məlumatda bildirilir ki, M.Ə. Rəsulzadə qəsəbəsi, Z. Qəmbərov küçəsində inşa edilən obyektin qanunsuz yollarla sənədləşməsinin üstü açılıb. Ümumi istifadəyə yararlı olan tarpaq sahəsi heç bir halda vətəndaşın mülkiyətinə verilə bilməz. Sahibkar Nəbiyev Razin Mustafa oğluna məxsüs obyekti Daşınmaz Əmlakın Dövlət Reyestr Xidmətinin 1 saylı Bakı Ərazi İdarəsi tərəfindən qanunsuz hesab olunub, buna görə də iş adamının müraciəti əsassız hesab edilib.
Dəfələrlə vətəndaş tərəfindən müraciət olunsa da adı hallanan qurum qanuni tələblərə riayət edərək obyektə çıxarış verilməsini qanunsuz hesab edib. Bütün bunlara baxmayaraq Dövlət Şəhərsalma və Arxitektura Komitəsi qarşı tərəflə anlaşmağa çalışır. Yəni, hansısa rüşvət müqabilində parkın ərazisində fəaliyyət göstərən obyektə çıxarış verilməsinə etiraz edən qurum, bu gün nədənsə etiraz etmir. Deməli, vətəndaşla Dövlət Şəhərsalma və Arxitektura Komitəsi razılığa gəlib...
