Messi uşaqlarının sevimli futbolçularını açıqladı
“İnter Mayami”nin argentinalı hücumçusu Lionel Messi uşaqlarının sevimli futbolçularının adını açıqlayıb.
Yeniavaz.com xəbər verir ki, o bu barədə “X” sosial şəbəkə hesabında qeyd edib.
“Uşaqlarım hansı oyunçuları sevir? Mbappe, Vinisius, Yamal, Levandovski, Holan…” - deyə Messi bildirib.
Qeyd edək ki, Messi 2023-cü ilin yayından “İnter Mayami”də çıxış edir. Bu müddət ərzində o, bütün turnirlərdə 49 matçda iştirak edib, 42 qol vurub və 21 məhsuldar ötürmə edib. Futbolçunun klubla hazırkı əmək müqaviləsi 2025-ci ilin sonuna qədərdir.
“Transfermarkt” portalında verilən məlumata görə, futbolçunun bazar dəyəri 20 milyon avrodur.
Xatırladaq ki, Messinin Antonella Rokuzzo ilə evliliyindən Tiaqo, Mateo və Çiro adlı üç oğlu var.
