"Erik ten Haq üçün qapılarımız həmişə açıqdır" - Xosep Qvardiola
"Mançester Siti"nin baş məşqçisi Xosep Qvardiola "Mançester Yunayted"dən qovulan həmkarı Erik ten Haqı işlədiyi klubda görməyə şad olacağını deyib.
Fanat.az xəbər verir ki, onun sözlərini tanınmış insayder Fabritsio Romano şəxsi "X" hesabı üzərindən belə çatdırıb:
"Erik ten Haq üçün qapılarımız həmişə açıqdır. İstənilən vaxt! Ciddi deyirəm! Biz onu qəbul etməyə hazırıq, amma bunun baş verəcəyinə inanmıram. Erikin agenti ilə tanışam, gəlmək istəsə, heç bir problem yoxdur. Nə klub buna qarşıdır, nə də mən".
Xatırladaq ki, ten Haq oktyabrın 28-də istefaya göndərilib.
