Xavi Premyer Liqa nəhəngini çalışdıra bilər - Danışıqlar başladı
"Barselona"dan ayrıldıqdan sonra işsiz qalan ispaniyalı mütəxəssis Xavi Ernandes "Dumanlı Albion"da çalışa bilər.
Fanat.az xəbər verir ki, bu barədə "Daily Mail" məlumat yayıb.
Mənbənin məlumatına görə, niderlandlı Erik ten Haqın rəhbərliyi altında yeni mövsümdə uğursuz çıxış edən “Mançester Yunayted” Xavinin xidmətində maraqlıdır. Mankunianlılar son aylarda bir neçə dəfə Xavinin agenti ilə əlaqə saxlayıblar.
İspan mütəxəssis 2021-2024-cü illərdə "Barselona"nı çalışdırıb. Kataloniyalılar onun rəhbərliyi altında La Liqa çempionu və İspaniya Superkubokunun qalibi olub.
Premyer Liqanın səkkiz turunun nəticələrinə əsasən, "Mançester Yunayted" 11 xalla turnir cədvəlinin 12-ci pilləsində qərarlaşıb.
