“Barselona” mafiyadır: Madriddə Laportanı təhqir etdilər
La Liqanın 20-ci turu çərçivəsində baş tutan qarşılaşmada (1:1) “Xetafe” azarkeşləri “Barselona” və onun prezidenti Joan Laportaya qarşı təhqiramiz şüarlar səsləndiriblər.
Aut.az xəbər verir ki, bu barədə “Movistar” məlumat yayıb. Mənbənin məlumatına görə, “Xetafe” azarkeşləri “Barselona mafiyadır”, eləcə də “Laporta, sən peçenyeni sevən kök adamsan”, “Mənə lojanı sat, Laporta, lojanı mənə sat” kimi şüarlar qışqırıblar.
Ehtimallara görə, bu şüarlar İspaniya Ali İdman Şurasının (CSD) “Barselona”ya La Liqa mövsümünün ikinci hissəsi üçün futbolçular Daniel Olmo və Pau Viktoru qeydiyyatdan keçirməyə icazə verməsindən sonra yaranan narazılıqlarla bağlı olub. Bildirilib ki, buna nail olmaq üçün Kataloniya klubu təmirdən çıxmış “Kamp Nou”da VİP yerləri satmalı olub.
