Simeone antirekorda bir addım qaldı
“Atletiko Madrid” İspaniya çempionatının on birinci turunda daha bir məğlubiyyətlə üzləşib.
Fanat.az "Opta-"ya istinadən xəbər verir ki, "Betis"ə məğlubiyyət paytaxt klubunun 2024-cü ildə üzləşdiyi 24-cü yenilgi olub.
Bu baxımdan, Dieqo Simeone komandanın sükanı arxasında olduğu 12 il ərzində öz antirekordunu təkrarlayıb. Argentinalının komandası 2021 və 2022-ci illərdə də 24 məğlubiyyət alıb. Başqa sözlə, daha bir oyunda uduzması mütləq antirekord demək olacaq.
Yada salaq ki, Dieqo Simeone 2012-ci ilin əvvəlindən Madrid klubunu çalışdırır. Onun rəhbərliyi altında “Atletiko Madrid” iki dəfə İspaniya çempionu olub və iki dəfə Çempionlar Liqasının finalında çıxış edib.
