Ronaldunun klubu "Çelsi"nin hücumçusunu transfer etdi - RƏSMİ
"Çelsi"nin braziliyalı hücumçusu Anjelo Qabriel karyerasını Səudiyyə Ərəbistanında davam etdirəcək.
Fanat.az xəbər verir ki, məlumatı "zadəganlar"ın rəsmi saytı yayıb.
19 yaşlı forvardın "Ə-Nəsr"ə satıldığı açıqlanıb.
"Transfermarkt" portalı bu keçidə görə ərəblərin qarşı tərəfə 23 milyon avro ödədiyini açıqlayıb.
"Çelsi" Anjelonu 2023-cü ilin yayında "Santos"dan transfer etmişdi. O, ötən mövsümü icarə əsasında Fransa təmsilçisi "Strasburq"da keçirib.
Qeyd edək ki, portuqaliyalı superulduz Kriştianu Ronaldu 2023-cü ilin yanvarından "Əl-Nəsr"in uğurları üçün çalışır.
