Qəbələ meşələri sənədlə məhv edilir: Polis rəisinin də adı hallanır (VİDEO)
Bu fotolar Rusiya, Afrika və ya Avstraliyada yox, COP29 kimi nüfuzlu beynəlxalq ekoloji tədbirə ev sahibliyi etmiş Azərbaycanda çəkilib. Daha dəqiqi, Qəbələdə.
AzToday.az xəbər verir ki, bu sözləri politoloq Ərəstun Oruclu Qəbələ meşələrindən daşınan işlik materialları şərh edərkən yazıb. Onun sözlərinə görə, Qəbələ rayonunun polis rəisi Fəxrəddin Abbasov və yerli ekologiya idarələrinin rəhbər işçiləri birlikdə meşələri məhv edirlər.
Göruntulərdən məlum olur ki, yüz illərlə yaşı olan nadir ağaclar amansızlıqla məhv edilir, polisə ağac daşıyan maşınları saxlamamaq əmri verilib. Halbuki, həyətində 2 metr dərinlikdə quyu qazan belə polisə aparılaraq təhdid edilir və talanır.
Ekofəal Cavid Qara Qəbələ meşələrində kəsilmiş ağacların sənədini paylaşıb:
Qəbələdən paylaşılan kəsilmiş ağaclar. Əmin idim ki, sənəd sünədi var. Az öncə göndərdilər ki, hə var sənədi qanuni kəsilib. Gözünüz aydın.
Bizim dərdimiz odur ki, biz sistemli fikirləşə bilmirik. Dəfələrlə paylaşmışıq ki, ildən ilə qanuni qırma kvotaları artırılır, nəinki odun hətta işlik material tədarükü qanuniləşdirilib.
Əvvəl qanunsuz qırılan ağaclar indi sənəd sünədlə qırılır...
