“Növbəti danışacağınız məsələ İran olacaq” – Tramp
“Növbəti danışacağınız məsələ İran olacaq. İranla bağlı nə olacaq. Qarşıda maraqlı günlər bizi gözləyir. Sizə deyə biləcəyim tək şey budur”.
Yeniavaz.com xəbər verir ki, bunu ABŞ Prezidenti Donald Tramp Ağ Evdə jurnalistlərə açıqlamasında deyib.
“İrana gəlincə, biz son fırça vuruşlarına çatmışıq. Nə olacağını görəcəyik. Sona çatmışıq. Onların nüvə silahı əldə etməsinə icazə verilə bilməz”, - Tramp deyib.
Onun proqnozuna görə, çox tezliklə bir şey olacaq:
“Ümid edək ki, sülh razılaşmasına nail ola bilərik. Mən bunu gücümdən və ya zəifliyimdən deyirəm, sadəcə olaraq bildirirəm ki, hər hansı digər nəticədən daha çox sülh sazişinə üstünlük verirəm. Amma başqa variant problemi həll edəcək”.
Xatırladaq ki, martın 7-də o, “Truth Social” səhifəsində yazıb ki, İranın ali dini lideri Ayətullah Əli Xameneiyə Tehranın nüvə proqramı ilə bağlı danışıqların aparılmasını təklif edən mesaj göndərib. İslam Respublikasının BMT-dəki Daimi Nümayəndəliyindən TASS-a bildirilib ki, sözügedən mesaj onlara daxil olmayıb. İranın xarici işlər naziri Abbas Araqçi AFP-yə deyib ki, Tramp administrasiyası ona qarşı maksimum təzyiq siyasətini davam etdirdiyi müddətdə Tehran Vaşinqtonla danışıqlara getməyəcək.
