Neft Fondu son bir ildə 61 ton qızıl alıb
Bu ilin ilk rübünün yekununa olan məlumata görə Dövlət Neft Fondunun investisiya portfelində qızılın payı 25,8%-ə və ya 165,3 tona çatıb.
Yeniavaz.com açıqlanan rəsmi məlumatlara istinadən xəbər verir ki, ötən ilin eyni dövründə Neft Fondunun investisiya portfelində qızılın payı 13,2% və ya 104,6 ton olub.
Açıqlanan məlumatlardan da göründüyü kimi, son bir ildə Neft Fondunun qızıl ehtiyatları 58% və ya 60,7 ton artıb.
Qeyd edək ki, hazırda Fondun sərəncamında olan qızılın ümumi dəyəri 16 milyard 134,4 milyon dollara bərabərdir.
