Müştərisi var: ÇL-ə vəsiqə qazanmasalar, onu satacaqlar
“Arsenal” iki yarımmüdafiəçi ilə maraqlanır.
Aut.az AS nəşrinə isitinadən xəbər verir ki, “topçular”ın yeni idman direktoru Andrea Berta artıq ilk sövdələşmələr üzərində işləyir. Onun əsas transfer hədəfləri Bruno Gimaraes və Martin Subimendidir.
Londonlular artıq “Real Sosyedad”ın yarımmüdafiəçisi ilə müqavilə imzalamaq üzərində fəal işləyirlər və əvvəllər də xəbər verildiyi kimi onunla əlaqə saxlayırlar. “Arsenal” ispan klubu ilə danışıqlar aparmalıdır – ingilislər satınalma müddəasını 60 milyon avroya endirmək istəyirlər.
“Nyukasl”ın yarımmüdafiəçisinə gəlincə, o, hazırkı klubunda çox xoşbəxtdir, lakin “sağsağanlar” bu mövsümün sonunda Çempionlar Liqasına vəsiqə qazana bilməyəcəyi təqdirdə oyunçunu 60 milyon funt-sterlinqə buraxmağa hazırdır.
