Azərbaycan millisi FİFA reytinqində 119-cu pilləyə yuvarlandı
FIFA milli komandaların yeni reytinqini açıqlayıb.
Aut.az xəbər verir ki, Azərbaycan yığması son açıqlanan siyahı ilə müqayisədə iki pillə geriləyib. Fernandu Santuşun rəhbərlik etdiyi komanda 1160 xalla 119-cu pillədə qərarlaşıb.
Millimizin DÇ-2026-nın seçmə mərhələsindəki rəqiblərindən Fransa (1852.71 xala) bir pillə geriləyərək üçüncü sıraya enib. Ukraynanın mövqeyi dəyişməyib. 1559.81 xalı olan “sarı-göylər” 25-cidir. Qrupdakı digər rəqimiz İslandiya dörd “addım” geriləyərək (1336.55) 74-cü pilləyə enib.
Reytinqə son dünya çempionu Argentina (1886.16 xal) başçılıq edir. Bir pillə irəliləyən İspaniya (1854.64) ikincidir.
Qeyd edək ki, mart ayında Azərbaycan milli komandası beynəlxalq yoldaşlıq görüşləri çərçivəsində Haiti (0:3) və Belarusa (0:2) məğlub olub.
