Özgə əmlakını talayan “Poçtbank”-ın sabiq sədri Emin Mustafayev Bakıda 5 milyonluq obyekt tikdirib
"Poçtbank” Səhmdar İnvestisiya Bankının idarə heyətinin sədri Emin Mustafayev Xətai rayonunda obyekt tikdirib.
Qlobal.az xəbər verir ki, 8 Noyabr prospekti, 36K saylı sahədə inşa edilən obyekt mərasim evi kimi fəaliyyət göstərir.
Obyektin sahəsi 1067 (m2), layihəçisi isə Qala Group MMC olub.
Hazırda obyektin real bazar qiymətinin 4-5 milyon manat civarında olduğu bildirilir.
Qeyd edək ki, Emin Mustafayev 2004-cü ilin oktyabr ayında Milli Təhlükəsizlik Nazirliyinin və Baş Prokurorluğun keçirdiyi birgə əməliyyat zamanı həbs edilmişdi.
Əməliyyat zaman həbs edilən "Poçtbank” Səhmdar İnvestisiya Bankının idarə heyətinin sədri Mustafayev Emin Rafiq oğlu özgənin əmlakını külli miqdarda talamaqda, 2001-ci ilin aprel ayında Azərbaycan Respublikasının Ədliyyə Nazirliyində qeydiyyatdan keçməyən və heç bir hüquqi qüvvəyə malik olmayan "Aztell” və "Baktell” şirkətlərinin adına özünün rəhbərlik etdiyi bankda hesab açaraq, onlara kredit ayrılması üçün lazımi sənədləri saxtalaşdırmaqda və həmin sənədləri Maltada fəaliyyət göstərən "First İnternational Merchant” bankına təqdim etməkdə, kredit kimi bu bankdan daxil olan 4 milyon 595 min ABŞ dolları məbləğində külli miqdarda vəsaiti mənimsəməkdə ittiham edilirdi.
